كه‌ناڵی ته‌له‌فزیونی فڕانس پرێس، له‌ راپۆرتێكدا هه‌واڵی به‌ڕێوه‌چوونی خۆپیشاندانی نه‌یارانی دانیشتنی ناتۆ له‌ شاری "شیكاگۆ"ی ئامریكا راگه‌یاند.

له‌م خۆپیشاندانه‌دا هه‌زاران كه‌س له‌ هه‌ڵسووڕاوانی دژه‌ شه‌ڕ حزووریان هه‌بوو و له‌ دژی سیاسه‌ته‌كانی شه‌ڕخوازانه‌ی ناتۆ دروشمیان به‌رز كردووه‌ته‌وه‌.

هه‌زاران كه‌س له‌ خه‌ڵكی ئۆردۆن له‌ ناڕه‌زایه‌تی به‌ بڕیاری ده‌وڵه‌ت سه‌باره‌ت به‌ بردنه‌سه‌ره‌وه‌ی نرخی كاڵاكان و خزمه‌تگوزارییه‌ سه‌ره‌كییه‌كان له‌ داهاتوویه‌كی نزیكدا، له‌ سه‌ر شه‌قامه‌كانی ئه‌و وڵاته‌ خۆپیشاندانیان وه‌ڕێخست.

بانكی ئیرله‌ند رایگه‌یاند، ئه‌م بانكه‌ ده‌یهه‌وێت زیاتر له‌ هه‌زار كارمه‌ندی خۆی به‌ پێی گه‌ڵاڵه‌یه‌كی ته‌عدیل به‌ مه‌به‌ستی كه‌م كردنه‌وه‌ی هه‌زینه‌كانی، له‌سه‌ر ده‌ربكات.

به‌ پێی راپۆرتی هه‌واڵنێری فه‌رانسه‌، مودیری ئیجرایی ئه‌م بانكه‌ له‌ به‌یانییه‌یه‌كدا وێڕای بڵاو كردنی ئه‌م هه‌واڵه‌ جه‌ختی كرده‌وه‌، له‌سه‌ركار ده‌ركردنه‌كان له‌ به‌شگه‌لێكی تایبه‌تی له‌ شوێنی چالاكی ئه‌م بانكه‌ له‌ كۆماری ئیرله‌ند، ئیرله‌ندی شومالی و ئینگلیس رووده‌دات.

دوابه‌دوای ئاگركه‌وتنه‌وه‌ له‌ ئه‌نبارێكی چه‌ك و ته‌قه‌مه‌نی ئه‌رته‌شی روسیه‌، كه‌سێك بریندار بوو و ٧٠٠ كه‌س له‌ دانیشتووانی ناوچه‌كه‌ش ناچار به‌ به‌جێهشتنی شوێنی دانیشتنیان كران.

به‌ داخ و په‌ژاره‌یه‌كی زۆره‌وه‌، سه‌عات ٩ و ١٥ ده‌قیقه‌ی سه‌رله‌به‌یانی رۆژی جومعه‌ ٢٩ی مانگی گوڵان، هاوڕێ "شه‌هین به‌نی ئه‌رده‌ڵان" كادری كارامه‌ی حیزبی كۆمۆنیستی ئێران و پێشمه‌رگه‌ی فیداكاری كۆمه‌ڵه‌، پاش نزیك به‌ دوو مانگ ده‌ست و په‌نجه‌ نه‌رم كردن له‌گه‌ڵ نه‌خۆشیه‌كی سه‌خت، له‌ نه‌خۆشخانه‌یه‌كی شاری "سلێمانی" بۆ هه‌میشه‌ ماڵاوایی له‌ ژیان كرد.

كومیته‌ی پشتیوانی له‌ "شاهروخ زه‌مانی" به‌ ده‌ركردنی به‌یانییه‌ی ٤٥ی خۆی، هه‌واڵی چڕتر بوونه‌وه‌ی گوشاره‌كان بۆ سه‌ر هه‌ڵسووڕاوی كرێكاری شاهروخ زه‌مانی و ژماره‌یه‌كی دیكه‌ له‌ زیندانیانی سیاسی ده‌ستبه‌سه‌ر كراو له‌ زیندانی ته‌ورێزی، راگه‌یاند.

گۆڤاری دانشجویی "سۆبح فه‌ردا"، یه‌كێك له‌ نه‌شریه‌كانی زانكۆی تاران، به‌ ده‌ستێوه‌ردانی خوێندكارانی به‌سیجی داخرا.

به‌ پێی راپۆرتی سایتی حكومه‌تی "بازتاب"، دوابه‌دوای ناڕه‌زایه‌تی و كۆبوونه‌وه‌ی خوێندكارانی به‌سیجی دانشكه‌ده‌ی علومی كۆمه‌ڵایه‌تی زانكۆی تاران دژ به‌ نووسراوه‌یه‌ك له‌ نه‌شرییه‌ی خوێندكاری "سۆبح فه‌ردا"، ئه‌م نه‌شرییه‌ به‌ فه‌رمانی كاربه‌ده‌ستانی زانكۆ راگیرا. به‌ پێی ئیدیعای سایتی بازتاب، له‌ وتاری "سۆبح فه‌ردا"، به‌ بێ ئاماژه‌یه‌ك به‌ ناوی "شاهین نه‌جه‌فی"، له‌م خانه‌نده‌یه‌ به‌رگری كراوه‌.

زیندانی سیاسی ده‌ستبه‌سه‌ر كراو "نه‌رگس محه‌ممه‌دی"، جێگری سه‌رۆكی كانونی پارێزه‌رانی مافه‌كانی مرۆڤ، له‌ كرده‌وه‌یه‌كی نایاساییدا بۆ زیندانی زه‌نجان دوورخرایه‌وه‌.

گواستنه‌وه‌ی نه‌رگس محه‌ممه‌دی له‌ كاتێكدا بووه‌ كه‌ حوكمی زیندانی ناوبراو له‌ تاران ده‌ركراوه‌، ناوبراو له‌ بێهداری ئێوین بۆ زیندانی زه‌نجان گواستراوه‌ته‌وه‌.

راپۆرته‌ بڵاوكراوه‌كان باس له‌ چوونه‌سه‌ره‌وه‌ی رێژه‌ی ئیعتیادی ژنان و كه‌وتنه‌ نێو داوی له‌ش فرۆشی و ئاسته‌نگێك به‌ ناوی تێڕوانینی پیاوسالارانه‌ بۆ چاره‌سه‌ر كردن، ده‌كه‌ن.

به‌ ئیعتڕافی كاربه‌ده‌ستانی ده‌زگای ناسراو به‌ خه‌بات له‌ دژی مه‌وادی موخه‌دیر، سه‌ره‌ڕای چوونه‌سه‌ره‌وه‌ی رێژه‌ی ئیعتیادی ژنان، هه‌ر ئێستاكه‌ ته‌نیا ١٢ كه‌مپی تایبه‌تی بۆ ته‌ركی ئیعتیادی ژنان له‌ سه‌رتاسه‌ری وڵات هه‌یه‌.

هه‌واڵنێری "رۆیتێرز" به‌ پشت به‌ستن به‌ وته‌كانی چه‌ند بازرگان و سه‌رچاوه‌ی ئاگادار له‌ كاروباری حه‌مل و نه‌قلی ده‌ریایی، باس له‌ كه‌مبوونه‌وه‌ی ٩٠ له‌سه‌دی هه‌نارده‌ی به‌رهه‌مه‌كانی پێترۆشیمی ئێران له‌ دوو حه‌وتووی رابردوودا ده‌كات.

دادگایه‌ك له‌ "واشنگتۆن"، رژیمه‌كانی ئێران و سوریه‌ی به‌ دانی ٣٢٣ ملیارد دۆلار غه‌رامه‌ت به‌ یه‌كێك له‌ قوربانیانی بۆمب دانانه‌وه‌ له‌رێستورانێك له‌ شاری "ته‌ل ئاویو" له‌ ساڵی ٢٠٠٦ مه‌حكوم كردووه‌.

به‌ پێی راپۆرتی "بی. بی. سی"، حوكمی ده‌ركراو له‌ لایه‌ن دادگای فێدراڵ له‌ واشنگتۆن له‌ په‌یوه‌ند له‌ گه‌ڵ گیان له‌ده‌ستدانی "دانیه‌ل ولتز"، تازه‌ لاوی ١٦ ساڵه‌ی خه‌ڵكی ئه‌یاله‌تی "فلۆریدا"ی ئامریكا له‌ رووداوی ته‌قینه‌وه‌ له‌ "ته‌ل ئاویو" ده‌ركرا.

له‌ درێژه‌ی دژایه‌تی له‌گه‌ڵ نیزامی سه‌رمایه‌داری، سه‌دان ناڕازی ئه‌ندامی بزووتنه‌وه‌ی "داگیركردنی واڵستریت" له‌ شاری فڕانكفۆرت، پێته‌ختی ماڵی ئاڵمان، كۆبوونه‌وه‌.

به‌شدارانی كۆبوونه‌وه‌ وێڕای پشتیوانی له‌ بزووتنه‌وه‌ی "داگیركردنی واڵستریت"، خوازیاری دامه‌زرانی دێموكراسی راسته‌قینه‌ و له‌م كرده‌وه‌یه‌دا دژایه‌تی خۆیان له‌ گه‌ڵ سیاسه‌ته‌كانی ده‌وڵه‌تانی ئوروپایی بۆ چاره‌سه‌ری قه‌یرانی قه‌رزه‌كان له‌ حه‌وزه‌ی پوڵی یۆرۆ ده‌ربڕی.

سه‌ره‌ڕای ده‌ست له‌ كار كێشانه‌وه‌ی وه‌زیری ئاموزشی ئه‌یاله‌تی "كبك"ی كانادا، ناڕه‌زاییه‌تیه‌ خوێندكارییه‌كان دژ به‌ چوونه‌سه‌ره‌وه‌ی شه‌هریه‌ی زانكۆكان، هه‌روا درێژه‌ی هه‌یه‌.

به‌ پێی راپۆرتی "یۆرۆنیوز" ژان شاره‌، سه‌رۆك وه‌زیری ده‌وڵه‌تی محه‌للی ئه‌یاله‌تی "كبك" له‌ گه‌ڵاڵه‌یه‌كدا ده‌یهه‌وێت شه‌هرییه‌ی زانكۆكان له‌ ماوه‌ی ٧ ساڵی داهاتوودا ٧٥ له‌سه‌د زیاد بكات.

دوابه‌دوای مانگرتنی كارمه‌ندانی به‌شی كۆنتڕۆڵی په‌روازی فڕۆكه‌خانه‌كانی پورتغاڵ، زیاتر له‌ ٢٠٠ په‌رواز هه‌ڵوه‌شانه‌وه‌ و هه‌زاران موسافیر سه‌رگه‌ردان بوون.

به‌ پێی راپۆرتی "یۆرۆنیوز"، مانگرتنی كارمه‌ندانی به‌شی كۆنتڕۆڵی په‌روازه‌كانی فڕۆكه‌خانه‌كانی پورتغال، له‌ ناڕه‌زایه‌تی به‌ سیاسه‌ته‌كانی ریازه‌تی ئابوری ده‌وڵه‌تی ئه‌م وڵاته‌ و كه‌مبوونه‌وه‌ی حه‌قده‌سته‌كان به‌ڕێوه‌چوو. كارمه‌ندانی فڕۆكه‌خانه‌كانی پورتغاڵ رایانگه‌یاند، رۆژی جومعه‌ش بۆ جارێكی دیكه‌ ده‌ست له‌ كار ده‌كێشنه‌وه‌.

وێنه‌ ماهواره‌ییه‌كان ده‌ریده‌خات كه‌ رژیمی "كۆره‌ی شومالی" كه‌ نزیك به‌ ٥ مانگ له‌مه‌وبه‌ر چالاكیه‌ هه‌سته‌ییه‌كانی خۆی راگرتبوو، بۆ جارێكی دیكه‌ ئه‌م چالاكیانه‌ی ده‌ست پێكرده‌وه‌.

هه‌واڵه‌ بڵاوكراوه‌كان باس له‌ شه‌ڕ و تێكهه‌ڵچوونی توند كه‌ له‌ ولایه‌تی "فراه" كوژراوی لێكه‌وتۆته‌وه‌ و كوژرانی دوو كه‌سی دیكه‌ی ناتۆ له‌ ئه‌فغانستان ده‌كه‌ن.

له‌ نوێترین راپۆرتی بڵاوكراوه‌ له‌ لایه‌ن رێكخراوی نه‌ته‌وه‌یه‌كگرتووه‌كان، قاڕه‌ی ئافریقا هه‌روا نزمترین ئاستی له‌ بواری ئه‌منیه‌تی خۆراكی له‌ جیهاندا هه‌یه‌.

رۆژی چوارشه‌ممه‌ ٢٧ی مانگی گوڵان، "عه‌لی نه‌جاتی" به‌ هۆی بارودۆخی ناله‌باری جه‌سته‌یی به‌ مه‌به‌ستی سه‌ردانی پزیشك و به‌دواداچوونی چاره‌سه‌ر كردنی، بۆ ماوه‌ی ١٠ رۆژ ره‌وانه‌ی مه‌ره‌خه‌سی كرا.

به‌ پێی راپۆرتی كومیته‌ی هه‌ماهه‌نگی بۆ یارمه‌تیدان به‌ پێكهێنانی رێكخراوه‌ كرێكارییه‌كان، بارودۆخی جه‌سته‌یی "عه‌لی نه‌جاتی" به‌ جۆرێكه‌ كه‌ هه‌ر رۆژێك مانه‌وه‌ له‌ زیندان بۆ ئه‌و مه‌ترسی جه‌سته‌یی و سه‌كته‌ی به‌دواوه‌ ده‌بێ، به‌ڵام كاربه‌ده‌ستانی رژیم سه‌ره‌ڕای ته‌ئیدی پزیشكی قانونی و پزیشكی چاره‌سه‌ری ناوبراو، پێش له‌‌ ئازاد كردنی ناوبراو ده‌گرن.

ئه‌نجومه‌نی سینفی كرێكارانی به‌رق و فلێزكاری كرماشان، هه‌واڵی بانگهێشتی "جه‌وانمیر مرادی" سه‌رۆكی ئه‌و ئه‌نجومه‌نه‌ی له‌ لایه‌ن پۆلیسی "فه‌تاو"ه‌، راگه‌یاند.

به‌ پێی ئه‌م هه‌واڵه‌ رۆژی چوارشه‌ممه‌ ٢٧ی مانگی گوڵان، پۆلیسی "فه‌تا"ی كرماشان له‌ په‌یوه‌ندێكی ته‌له‌فونیدا له‌گه‌ڵ بنه‌ماڵه‌ی "جه‌وانمیر مرادی" داواین لێكردووه‌ تا رۆژی شه‌ممه‌ ٣٠ی مانگی گوڵان خۆی به‌م ئیداره‌یه‌ بناسێنێت.

به‌ ئیعتڕافی هه‌واڵنێری حكومه‌تیی "ئیلنا"، كرێكارانی قه‌تاری شاری ئه‌هواز له‌ ترسی ده‌ركران، توانای ناڕه‌زایه‌تی ده‌ربڕینیان نیه‌.

ئه‌وه‌ له‌ كاتێكدایه‌ كه‌ ٨٠٠ كرێكاری قه‌تاری شاری ئه‌هواز، خه‌قده‌ستی ٥ مانگیان پێنه‌دراوه‌. له‌ هه‌مان كاتدا یه‌كێك له‌ كرێكارانی قه‌تاری شار وێڕای ئاماژه‌ به‌ بێكاری ٢٠٠ كرێكار دوابه‌دوای راگیانی كار به‌ هۆی ناڕه‌زایه‌تی سینفی كرێكاران له‌ ساڵی رابردوودا، وتوویه‌تی كه‌ كێشه‌ و گرفتی كرێكارانی مێترۆی ئه‌هواز، سه‌ر له‌ نوێ خه‌ریكه‌ دووباره‌ ده‌بێته‌وه‌.